SUWASA YATOA ELIMU JUU YA MATUMIZI YA MAJI KATIKA MRADI  MPYA WA MAJI ENEO LA MTIPA MASHARIKI.Mamlaka ya MajiSafi na Usafi wa Mazingira Singida (SUWASA)jana  tarehe  29.07.2026 imetoa elimu kwa wananchi wa Mtipa Mashariki kata ya Mtipa juu ya matumizi ya maji katika Mradi mpya wa maji ulizinduliwa.Elimu  hiyo imetolewa na Kaimu Mkuu wa Kitengo cha Mawasiliano na Uhusiano wa Umma  Bw. Maiki Simoni Ndahani aliyeongozana na watumishi wengine ambapo amewaeleza wananchi hao kuwa Mradi  wa maji  umeanza kufanya kazi hivyo wanatakiwa kuendelea kuutunza vizuri ili uwe endelevu.Aidha ametolea ufafanuzi juu ya bei ya maji kwa ndoo moja ya lita 20 yenye ujazo wa kawaida katika magati  ni TZS 35 ambapo kwa  ndoo 3 ni TZS 100. amewaeleza kuwa gharama hizo wanazochangia kwa kulipia maji ndizo zinazotumika kununua madawa,umeme na vifaa vya matengenezo.Pia amesisitiza wananchi kutunza vyanzo vya maji, kuepuka kuchunga mifugo karibu na chanzo na kulinda miundombinu ya maji ikiwemo  mabomba ili kuepuka upotevu wa maji.Bw. Maiki Ndahani amewashukuru wananchi waliofika na kuwaagiza waendelee kupeana taarifa zaidi na kuelimishana juu ya matumizi ya maji , utunzaji wa Mradi huo na miundombinu yake na kila mmoja awe mlinzi wa mwenzake.###kazinaututunasongambele.

Mkuu wa Wilaya ya Singida Mhe. Godwin Gondwe akiambatana na Katibu Tawala Bi. Naima Chondo pamoja na Kamati ya Ulinzi na Usalama ya Wilaya ikishirikiana na Menejimenti ya SUWASA tarehe 17.07.2026  imefanya ziara ya kukagua vyanzo vya maji vya Mwankoko, Uhasibu, Utemini na Irao kwa lengo la kugua hali ya uzalishaji wa maji wa sasa na kujionea  maboresho ya yanayo endelea kufanywa na SUWASA katika chanzo hivyo.Katika ziara hiyo Mhe. Mkuu wa Wilaya na Kamati yake wameweza kuona jitihada za muda mfupi na wa kati zinazo endelea kufanywa na Mamlaka ya maji safi na usafi wa Mazingira Singida (SUWASA) pamoja na Serikali katika kuhakikisha huduma ya maji inaboreshwa na kupatikana kwa wananchi.  Jitihada hizo ni pamoja na kuchimba na kufukia bomba, ufungaji wa Pampu na kuweka miundombinu ya  umeme katika visima viwili vya mwankoko ambavyo kisima kimoja kina uwezo wa kuzalisha lita 133,000 kwa saa na kingine lita 94,000 kwa saa, pia Mkuu wa Wilaya alipata nafasi ya kutembelea visima vingine viwili vya Uhasibu na Utemini ambavyo viko katika uboreshaji visima hivi kwa pamojq vina uwezo wa kuzalisha lita 40,000 kwa saa.Kukamilika kazi ya kuunganishwa kwa kisima hivi vyote kutaongeza upatikanaji wa maji katika mfumo wa uzalishai wa SUWASA kutoka asilimia 40 ya sasa hadi asilimia 59.Aidha  Mhe. Godwin Gondwe ameipongeza Menejimenti ya SUWASA ikiongozwa na Mhandisi Ramadhani Mtindasi kwa kuendelea kufanya jitihada za kupunguza changamoto ya maji kwa wananchi na amesis...

Mkurugenzi Mtendaji SUWASA Mha. Ramadhani Mtindasi akiambatana na watumishi walio chini yake leo Tarehe 19 Julai 2026 ameshiriki katika mapokezi rasmi ya Mwenge wa  Uhuru Mkoa wa Singida katika viwanja vya shule ya Msingi Mwasauya iliyopo Ngamu Halmashauri ya Wilaya Singida.Mwenge wa Uhuru unatarajiwa kuzindua na kuweka mawe ya msingi pamoja na kukagua Mradi wa uboreshaji wa Huduma ya MajiSafi eneo la Mtipa Mashariki Manuspaa ya Singida.SUWASA tuna tekeleza kwa vitendo kauli mbiu ya Mwenge wa Uhuru 2026: Tanzania ni yetu sote, Tushikamane kwa pamoja kuleta maendeleo.

Kamati ya Siasa Wilaya ya Singida ikiongozwa na Mwenyekiti wa CCM Wilaya Mhe. Lucia Mwiru pamoja na Waheshimiwa Madiwani wa Manispaa ya Singida wakiongozwa na Mstahiki Meya Mhe. Geofrey Mdamu wakiwa na Menejimenti ya SUWASA jana tarehe 08.07.2026 imefanya ziara ya kukagua maboresho ya yanayo endelea kufanywa na SUWASA katika chanzo cha maji cha Mwankoko.Katika ziara hiyo Kamati na Madiwani waliweza kuona jitihada za muda mfupi na wa kati zinazo endelea kufanywa na Mamlaka pamoja Serikali katika kuhakikisha huduma ya maji inapatikana kwa wananchi. Jitihada hizo ni pamoja na kuchimba na kuweka miundombinu ya visima viwili vya mwankoko ambapo kimoja kina uwezo wa kuzalisha lita 133,000 kwa saa na kingine lita 90,000 kwa saa sambambana visima vinavyohitaji maboresho vya Uhasibu na Utemini visima hivi vina uwezo wa kuzalisha lita 30,000 kwa saa.Visima hivyo vimechimbwa na kukamilika kati ya hivyo kimoja bomba zimelazwa kinasubiri kufungwa pump kwaajili ya kusukuma maji kukamilika kuunganishwa kwa kisima hiki kutasaidia kuondoa nakisi iliyopo kutoka asilimia 40 ya sasa hadi asilimia 59.Aidha kamati na waheshimiwa Madiwani wamepongeza Menejimenti ya SUWASA ikiongozwa na Mhandisi Ramadhani Mtindasi kwa kuwaalika ili kuja kujionea Miradi inayoendelea na kumsihi aendelee kushirikiana kufikia malengo ya kuipata Singida yetu yenye neema ya maji na kupunguza changamoto ya maji kwa wananchi.Aidha nae Mh. Mbunge wa Singida Mjini Mhe. Yagi Kiaratu ameipongeza SUWASA kwa ushirikiano na...

Mkurugenzi Mtendaji Mha. Ramadhani Mtindasi akikagua Zoezi la ulazaji wa  bomba kubwa la HDPE lenye kipenyo cha inchi 8"  linaloungwa katika Kisima kilicho chimbwa mwaka 2025 Mei ambacho kilikuwa hakijaendelezwa kilichpo eneo la Mwankoko kinachotarajiwa kuongeza uzalishaji wa maji kwa lita 133,000, kukamilika kwa kazi hii kutaongeza asilimia za upatikanaji wa maji kwa Manispaa ya Singida kutoka 40 ya sasa na kufikia 50, hii itapelekea kuimarisha hali ya upatikana wa maji na kupunguza nakisi kati ya uzalishaji na upatikanaji wa maji, kazi hii inategemewa kukamilika mwezi huu Julai 2026, maeneo yatakayo nufaika na kupunguza migawo ya maji ni pamoja na Zone A linalohudumiwa na tenki la Mandewa na kusambaza huduma maeneo ya Unyankhae, Unyinga, Mizani, Njuki, Mtipa, Sabasaba,Unyakumi, Mwaja, Mandewa Rufaa,Mamise, Utemini, Jovena, Maasai,Manga na Bomani.

Mkurugenzi Mtendaji wa Mamlaka ya majisafi na Usafi wa Mazingira Singida (SUWASA) Mhandisi Ramadhani Mtindasi leo  tarehe 03.07.2026 akiongozana na watumishi walio chini yake ametembelea  Kanda ya IGUGUNO, SEPUKA na IRISYA ambayo pia ni sehemu ya eneo la huduma la SUWASA.Katika ziara hiyo Mha. Ramadhani Mtindasi ametembelea Matanki ya Kuhifadhia maji ya Sepuka,Irisya, Mwanangiri na Iguseru pia ametembelea vyanzo vya maji vya Sepuka, Irisya, na Iguguno .Lengo la ziara hiyo ni kujionea hali ya utoaji huduma ya maji safi katika maeneo hayo pamoja na hali ya vyanzo vinavyo hudumia maeneo hayo, ziara hiyo pia ilikuwa ina angalia namna bora ya  kuboresha vyanzo hivyo  na kuongeza uzalishaji lakini pia kuona namna ya kupunguza nakisi iliyo kati ya uzalishaji na mahitaji. Kwa sasa SUWASA  katika kanda ya Iguguno, Sepuka na Irisya inauwezo wa kuzalisha maji na kuweza kuhudumia asilimia 60 ya mahitaji.Aidha Mkurugenzi Mtindasi  amepokea taarifa ya utendaji kazi wa Kanda kutoka kwa Meneja wa SUWASA Kanda ya Iguguno  Bw. Kassimu Jumbe. Pia Bwana Kassimu Jumbe alieleza changamoto ya kanda hiyo ikiwepo ya kukabiliwa na kuwa na mtandao mdogo wa mabomba ya Usambazaji.Mhandisi Mtindasi ameahidi kufanyia kazi changamoto hizo kwa  kushirikiana na Menejimenti yake na kuweza kuboresha huduma ya MajiSafi katika Kanda hiyo kutoka asilimia 60 ya sasa na kufikia lengo lililo wekwa na Serikali la utoaji huduma ya maji mijini na vijijini.Aidha Mha. Mtindasi...